Xitoyda maktab avtobusi haydovchisi boshqaruvni yoʻqotib, avtohalokatga uchradi. Oqibatda 11 kishi, jumladan, besh bola halok boʻldi.
Hodisa 3-sentyabr kuni ertalab Shandun provinsiyasi gʻarbidagi Dongpin okrugida sodir boʻlgan. Besh nafar maktab oʻquvchisi va olti nafar kattalar – ularning ota-onalari halok boʻlgan. Yana 13 kishi turli darajadagi tan jarohatlari oldi.
Avtomashina haydovchisi qoʻlga olingan. Hozirda hodisa sabablari aniqlanmoqda.