Birlashgan Millatlar Tashkilotining Taraqqiyot Dasturi (BMTTD) va Oksfordning qashshoqlik va inson taraqqiyoti tashabbusi (OPHI) tomonidan 112 ta davlat o‘rtasidagi o‘tkazilgan tadqiqot natijasida 6,3 milliard aholidan 1,1 milliardi qashshoq deb topildi. Bu haqda OPHI nashri xabar berdi.

Xabarga ko‘ra, 1,1 milliard kambag‘al aholining yarmidan ko‘pi 18 yoshgacha bo‘lgan bolalar (584 million). Dunyo miqyosida bolalarning 27,9 foizi qashshoqlikda yashaydi, kattalar esa bu ko‘rsatkichda 13,5 foizni tashkil qiladi. 

Ma'lum bo‘lishicha, kambag‘al deb topilgan aholining 40 foizi urush va mojarolar bo‘lib turadigan, tinchlik darajasi past mamlakatlarda hayot kechirishadi.