Qozog‘istonda sodir bo‘lgan yong‘in 5 nafar bolaning hayotiga zomin bo‘ldi. Bu haqda “Tengrinews”
xabar berdi.
Qayd etilishicha, holat kecha, 11-oktyabr kuni ertalab soat 4:29 da Qo‘stanay viloyati Jitikara shahrida joylashgan shaxsiy tomorqa hududida sodir bo‘lgan. Yong‘in oqibatida turar-joy binosi tomi qulagan.
7 daqiqadan so‘ng qutqaruvchilar voqea joyiga etib borgan, uy butunlay yonib ketgan. Soat 6:08 da yong‘in qamrab olinib, to‘liq o‘chirilgan.
“Vayronalarni tozalash jarayonida 2011, 2016, 2018, 2019, 2022, 2023-yillarda tug‘ilgan voyaga etmagan 5 nafar bolaning jasadi topildi”, deyiladi xabarda.
Dastlabki ma'lumotlarga ko‘ra, o‘sha payt bolalarning onasi dugonasinikida, otasi esa qamoqda bo‘lgan. Hozirda mutaxassislar hodisa sabablarini o‘rganmoqda.