32 yoshli Selena Gomes farzand ko‘ra olmasligini tan oldi. Aktrisa va xonanda sog‘lig‘i bilan bog‘liq muammolar homilador bo‘lishiga to‘sqinlik qilayotganini
ta’kidladi. Vanity Fair nashriga bergan intervyusida, "Hech qachon bu haqda gapirmaganman, lekin afsuski, men farzand ko‘rolmayman. Sog‘lig‘imda o‘zimning va bolamning hayotiga xavf solishi mumkin bo‘lgan ko‘plab muammolarim bor," dedi Gomes.
Shunga qaramay, Selena ona bo‘lishni xohlaydi. U surrogat ona yoki bola asrab olish variantlarini ko‘rib chiqmoqda. Gomes, "Hayotim qanday bo‘lishi meni tashvishga solmoqda, lekin baribir ham farzandli bo‘laman," deya xulosa qildi.