2012-yilda internetni larzaga solgan, tiniq moviy ko‘zlari va malla sochlari bilan barcha e’tiborni tortgan qizaloq Ayra Mari Braun bugungi kunda 15 yoshga to‘ldi. O‘z vaqtida dunyoning eng yosh modeli sifatida tanilgan Ayra, bolaligida “tirik Barbi” deb atalgan edi.

Ayraning modellik karyerasi juda erta boshlangan bo‘lib, yirik bolalar brendlari uni o‘z suratga olish maydonchalarida ko‘rish uchun kurashishgan. Lekin yillar o‘tib, uning tashqi ko‘rinishi o‘zgardi va hozirgi vaqtda Ayra avvalgidek mashhurlik markazida emas. Biroq, u hali ham suratga olish maydonchalaridan ajralishni xohlamayapti va kelajakda yana podiumga qaytishi mumkinligini inkor etmaydi.

Hozirda Ayra Mari Braun maktabda yaxshi o‘qiydi, mustaqil va samimiy inson sifatida ulg‘aymoqda.