“Tolibon” oliy taʼlim vaziri Neda Muhammad Nadim tegishli buyruq chiqqunga qadar qizlar taʼlimi haqida “soʻrash” taqiqlanganini aytdi.

Nadim “Tolibon” harakatning hech bir buyrugʻi shariatga zid emasligi, universitetlar va 6-sinfdan yuqori qizlar uchun maktablarning ochilishi bir necha hafta yoki oy ichida hal qilinmasligini taʼkidlagan. U qizlar taʼlimi masalasi boʻyicha diniy ulamolar izlanish olib borayotganini aytgan. Agar diniy ulamolar ijobiy xulosa bersa, qizlar uchun maktablar va universitetlar eshiklari ochiladi.

Nadimning soʻzlariga koʻra, agar diniy ulamolar oʻrganishlardan keyin maktab va universitetlarni ochishga ruxsat bermasa, qizlar taʼlimdan mahrum boʻlishi davom etadi.

Maʼlumot oʻrnida, “Tolibon” Afgʻonistonda hokimiyatni qoʻlga olgandan soʻng, 6-sinfdan yuqori qizlar uchun maktablar va universitetlar eshiklari yopildi.