Qozogʻistonda soʻnggi uch kun ichida besh nafar bola koʻp qavatli uylar derazasidan qulab tushdi, deb xabar bermoqda Tengrinews.

Maʼlumotlarga koʻra, 4-avgust kuni Olmaotaning Olmali tumanida olti yoshli qiz ikkinchi qavat derazasidan qulab tushdi. Oqibatda qizcha turli tan jarohatlari bilan kasalxonaga yotqizilgan.

Bundan tashqari, 4-avgust kuni Ulitau viloyatining Satpayev shahrida ham olti yoshli bola turar-joy binosining 4-qavatidan derazadan tushib ketgan. Hozirda bola ogʻir ahvolda shifoxonada davolanmoqda.

3-avgust kuni Ostona shahrining Sariarqa tumanida bir yoshli bola beshinchi qavatdagi xonadon derazasidan qulab tushgan. Shifokorlar uni turli tan jarohatlari bilan kasalxonaga olib ketishgan.

2-avgust kuni Olmaota shahrining Olatau tumanida uch yoshli qizaloq oʻn besh qavatli turar-joy derazasidan qulab tushdi va vafot etdi. Hozirda huquq-tartibot idoralari xodimlari tomonidan surishtiruv ishlari boshlandi, surishtiruv ishlari olib borilmoqda, shuningdek, fojia holatlari aniqlanmoqda. Sud-tibbiy ekspertiza tayinlangan.

3-avgust kuni Temirtau shahrida olti yoshli bola uch qavatli turar-joy derazasidan qulab tushdi. Keyinroq shifokorlar uni turli tan jarohatlari bilan kasalxonaga olib ketishgan.