Avvalroq, tahririyatimizga Toshkent shahri, Shayxontoxur tumanidagi 321-sonli maktabgacha taʼlim tashkiloti tarbiyalanuvchilaridan birining ota-onasi murojaat yo'llab, unda farzandi o'z tengdoshi tomonidan tishlab olingani ta'kidlangan edi.

Shundan so'ng holatni huquqni muhofaza qiluvchi organlar nazoratga olgan va holat yuzasidan tergov boshlangan edi. Biroq 5 yoshli qizaloqning otasi farzandining shikastlanishiga sababchi bo'lgan tarbiyachilarga tegishli jazo qo'llanilmagani, tergov jarayoni haqida ma'lumotga ega emasligi haqida muntazam shikoyat qilib keldi.

Kecha, 19-iyun kuni soat 11:00 chamasi murojaatchining qizi yana bir jarohat olgan. Farzandini bog'chadan olishga borgan otaga MTT xodimlari "guruhidagi bola qilganini" aytgan.