Toshkent viloyati hokimi Zoir Mirzaev viloyatda «Telefonsiz maktab» tashabbusini ilgari surib, oʻqituvchilari va oʻquvchilari telefon ishlatishdan voz kechgan maktabga 300 million soʻm pul mukofoti berishini maʻlum qilgani haqida xabar bergan edik.

Viloyat hokimi «Telefonsiz maktab» loyihasini faol qoʻllab-quvvatlagani uchun Angren shahridagi 17-umumiy oʻrta taʻlim maktabi direktori Zebo Mahkamovaga 300 million soʻm pul mukofotini topshirdi. 

Ushbu maktab 50 kundan buyon yangi loyihani faol tatbiq qilib kelmoqda.