Turkmaniston hukumati qonunchilikka mamlakatda ajrashish tartibini murakkablashtiradigan oʻzgartirishlar kiritdi. 

 

Mamlakat Fuqarolik protsessual kodeksining yangilangan tahririga koʻra, sudlar nikohni bekor qilish toʻgʻrisidagi ishlarni faqat ikkala tomon ishtirokida koʻrish huquqiga ega.

 

Ilgari qoʻshimcha holatlarni hisobga olgan holda, ajrashayotganlarga qarorni oʻylab koʻrish uchun koʻpi bilan olti oy muddat berilgan boʻlsa, endi standart uch oydan soʻng sud yarashuv uchun ajratilgan muddatni yana olti oyga uzaytirishi mumkin.

 

Daʻvoda nikohni buzishga sabab boʻlgan omillar va holatlar koʻrsatilsa, er-xotinning birgalikda yashashi va oilani saqlab qolish imkoniyatini istisno qiladi. Bunga yozma dalillardan tashqari, ogʻzaki tushuntirishlar ham talab qilinadi.

 

Shuningdek, sudya sud jarayoni boshlanishidan oldin er va xotin bilan suhbat oʻtkazishi, ularning turmush sharoiti, munosabatlari bilan tanishishi, bolalarning manfaatlarini hisobga olishi shart. Kerak boʻlsa, jamoatchilik vakillari ushbu protseduraga jalb qilinishi mumkin.

 

Er yoki ayol bedarak yoʻqolgan deb hisoblansa ham, sirtdan ajrashish imkoniyati istisno qilinadi.

 

Qo‘shimcha qilinishicha, reglamentga tegishli oʻzgartirishlar kiritish toʻgʻrisidagi maʻlumotlar respublika Vazirlar Mahkamasining «Neytral Turkmaniston» gazetasining 11-apreldagi sonida eʻlon qilingan, oʻzgartirishlarning oʻzi esa 30 mart kuni qabul qilingan.

 

Qayd etish joiz, mamlakat rasmiylari avval ham fuqarolar uchun ajrashish tartibini murakkablashtirishga uringan.