Barcha bakteriyalar ham xavfli emas, lekin ba'zida ota-onalar hushyor bo'lishlari kerak. Agar uyda yosh bola bo'lsa, biz uni bakteriyalardan himoya qilishga harakat qilamiz. Ammo bakteriyalarning faqat ba'zi turlarigina kasalliklarga olib kelishi mumkin, qolganlari esa zararsizdir.

 

Bola emaklayotganda barcha narsani og'ziga soladi - o'yinchoqlardan tortib polda yotgan iflos narsalargacha. U ob'ektlarni ta'tib ko'rish va teginish orqali atrofidagi tevarak dunyoni o'rganadi. Bundan tashqari, ba'zi mutaxassislar bolaning organizmida bakteriyalar bo'lishiga ijobiy qarashadi. Ularning ta'kidlashicha, bakteriyalar bolaning immunitet tizimini mustahkamlaydi va uni kelajakda turli infektsiyalarga qarshi kurashishga tayyorlaydi. Biroq, hushyorlikni yo'qotmaslik zarur. Bilamizki, ko'p mikroorganizmlar bolaga zarar etkazmaydi, ammo ularning ayrimlari xavfli bo'lishi mumkin. 

 

1 - maslahat . Farzandingiz poldan yoki gilamdan egulik bo'laklarini olsa, tashvishlanishga hojat yo'q. Agar siz muntazam xonani va gilamni changyutkich bilan tozalab tursangiz, xavfli mikroblarning polga tushishi dargumon. Farzandingiz nam bo'lgan narsalarni chaynashiga yo'q qo'ymang. Bunday narsalar bolalarda turli kasalliklarga olib keladigan mog'or yoki xavfli bakteriyalarni rivojlantirishi mumkin.

 

2 - maslahat. Agar bolalar shisha idishi yoki so'rg'ichi sterilizatsiya qilinmagan bo'lsa, tashvishlanishga hojat yo'q. Shishalarni qimmatbaho asbob-uskunalar bilan dezinfektsiya qilish yoki ularni qaynatish shart emas. Ularni sovun bilan issiq suvda yuvish va kerak bo'lganda cho'tkadan foydalanish kifoya. Bu xavfli bakteriyalardan xalos bo'lishga yordam beradi. Shisha idishda sut yoki chaqaloq bo'tqasi qolmaganligiga ishonch hosil qiling. Bolaning so'lagiga aralashib, bu qoldiqlar mikroblarning ko'payishi uchun qulay muhit yaratadi. Shisha idishni bola iste'moli uchun me'yor bo'lgan bir martalik ovqat bilan to'ldiring (agar bu etarli bo'lmasa, sut yoki chaqaloq ovqatidan qo'shimcha berishingiz mumkin). Chaqaloq ovqatini tayyorlashda faqatkina bir idishdan foydalaning va undan shishani to'ldirish uchun foydalaning. Shisha idishda qolib ketgan ovqatni tashlab yuborishga odatlaning.

3 - maslahat. Farzandingiz uy hayvonlari bilan o'ynashidan tashvishlanmang. Hatto it bolaning yuzidan yalasa ham xavotirga o'rin yo'q. Tadqiqotlar shuni ko'rsatadiki, agar bola hayotining birinchi yillarida uy hayvonlaridan uzoqroq tutilsa, unda jun allergiyasini rivojlanish xavfi ortadi. Bola uy hayvonlari ilgari o'ynagan narsalarni ushlamasligini nazorat qiling. Uy hayvonlari o'yinchoqlarini bolalar qo'li etmaydigan joyda saqlang.

 

4-maslahat. Agar farzandingiz hovlida o'sib yotgan o't yoki qumni og'ziga solsa, tashvishlanmang. Bu unga katta zarar keltirmaydi. Ammo shu bilan birga, bolaga o't yoki qumni mazali emasligini tushuntiring. Unga: «Uhh, buncha achchiq» deb ayting va uning e'tiborini boshqa joyga qarating. Farzandingiz itlar yuradigan joylarda turli chiqindilar, sigaret qoldiqlari yoki boshqa kimyoviy moddalarni ushlamasligiga ishonch hosil qiling. Farzandingizga erga tushgan non