Savol: turmush o'rtog'im xozirda bir nafar farzandimga aliment to'laydi. U menga bola 18 yoshga etganida uni alimentga berib to'lagan pullarimni qaytarib olaman deyabti. Shunday bo'lishi mumkinmi ?

–To'lagan alimentini qaytarib ololmaydi-yu, lekin o'zi uchun ta'minot talab qilishi mumkin. Ota-ona uchun ta'minot berish tartibi “Oila kodeksi”da belgilab qo'yilgan. Faqat qonunda bu aliment emas ta'minot deb yuritiladi. Kodeksda nafaqat ota, ona xam ularni moddiy tomonlama ixtiyoriy ta'minlamay kelayotgan voyaga etgan bolalaridan sud tartibida ta'minot talab qilishi mumkin.

Savol: Xamma ota-ona xam bu ta'minotni talab qilsa bola to'laverishi kerakmi ?

–Yo'q bu ta'minot  mehnatga layoqatsiz, yordamga muhtoj ota-onalarga to'lanadi.

Savol: Bunday ta'minot bolalarning nechtasidan undiriladi ?

–Ota-ona uchun aliment miqdorini belgilashda sud voyaga etgan, mehnatga layoqatli bolalarning barchasini hisobga olgan holda qaror qabul qiladi

Savol: Masalan, voyaga etgan bola o'qishda bo'lsa u ta'minotni to'lashga imkoni bo'lmaydi-ku ?

–Shu sababli ta'minot miqdorini belgilashda sud bolalarning oilaviy va moddiy ahvolini hisobga olgan xolda ish ko'radi.

Savol: Bu ta'minotni eng kam miqdori qancha bo'ladi ?

Voyaga etgan, mehnatga layoqatli bolalardan undirilayotgan aliment miqdori qonun hujjatlarida belgilangan mehnatga haq to'lash eng kam miqdorining 11,75 foizi dan kam bo'lmasligi kerak.

 

Savol: Bu ta'minotni to'lamasa xam bo'ladimi ?

–Agar sud ota-onaning ota-onalik majburiyatini bajarishdan bo'yin tovlaganligini aniqlasa, bolalarni mehnatga layoqatsiz, yordamga muhtoj ota-onasiga ta'minot berish majburiyatidan ozod qilishi mumkin.