Bolalarolami.uz veb-sayti tomonidan tayyorlanayotgan “Maktabgacha taʼlim tashkilotida bir kun” loyihasining navbatdagi soni Shayxontohur tumanidagi 84-sonli maktabgacha taʼlim tashkilotida boʻldi.

Ushbu maskan 1977-yilda qurilgan boʻlib, hozir tashkilotda 300 nafar bolajonlar tarbiyalanmoqda. Ularga 39 nafar pedagoglar sifatli taʼlim berib kelishmoqda.

84-DMTT pedagog xodimlarining 9 nafari oliy maʼlumotga ega, yana 5 nafari esa tashkilotdagi faoliyati bilan birga hozirda oliy taʼlim muassasalarida tahsil olmoqda. Oʻrta maxsus maʼlumotli xodimlar ham uzoq yillik tajribaga ega. Tashkilot direktori Xakimova Shaxlo Fayzullayevna bolajonlar uchun muassasada barcha shart-sharoitlar yaratilganini ta’kidlab o‘tdi.

Tashkilotda har kuni bolajonlar yuqori kayfiyatda kutib olinadi, mazali nonushta, ertalabki badantarbiya, koreys tili, musiqa va boshqa mashg'ulotlar orqali ularning ham jismonan, ham ruhan sog'lom va barkamol avlod bo'lib yetishishi ta'minlanadi.