Havo sovuqlashganda, ko‘pchilik ertalab boshini yuvib, maktabga yoki boshqa joylarga shoshadi. Lekin boshni to‘liq quritmasdan ko‘chaga chiqish sog‘liq uchun zararli bo‘lishi mumkin.

Bosh yuvilganda, sochlar quruq ko‘rinsa ham, ularning ildizi va ichki qismi hali nam bo‘ladi. Agar shunday holatda tashqariga chiqsangiz, bosh tez soviydi va bu turli kasalliklarga sabab bo‘lishi mumkin. Masalan, sochlar to‘kilishi yoki bosh og‘rig‘i paydo bo‘lishi ehtimoli yuqori.

Agar boshingiz yaxshi qurimasa, burun va quloq yallig‘lanishi, tomoq shamollashi kabi kasalliklar paydo bo‘ladi. Ayniqsa, sovuq havoda bu kasalliklar tezroq rivojlanadi. Eng jiddiy oqibatlardan biri — meningit, ya’ni bosh miya yallig‘lanishi. Bu kasallik juda xavfli va uni davolash qiyin bo‘lishi mumkin.

Shuning uchun, bolalar, bosh yuvilgandan keyin uni yaxshilab quritish va sovuq havoda bosh kiyim kiyib yurish juda muhim. Sog‘ligingizni ehtiyot qiling, oddiy qoidalarga rioya qilish bilan kasalliklardan saqlanishingiz mumkin!