Yurtimizda maktabgacha ta'lim sohasini yanada rivojlantirish, maktabgacha ta'limning izchilligi hamda uzluksizligini ta'minlash, maktabgacha bo‘lgan yoshdagi bolalarga ta'lim, tarbiya berish va ularni sog‘lomlashtirish bo‘yicha qator harakatlar amalga oshirilmoqda.

"Bolalarolami.uz" veb-sayti tomonidan tayyorlangan "Maktabgacha ta'lim tashkilotida bir kun" loyihasining navbatdagi manzili Toshkent shahar Olmazor tumanidagi 271-sonli davlat maktabgacha ta'lim tashkilotida bo‘ldi.

Mazkur ta'lim tashkiloti 2019-yilda qayta qurilib, 2021-yilda foydalanishga topshirilgan. Olmazor tumanidagi 271-sonli davlat maktabgacha ta'lim tashkiloti   Varisova Munira Abdugafurovna besh yildan buyon rahbarlik qilib kelmoqda. Tashkilotda faoilyat ko‘rsatayotgan 12 nafar pedagog xodimlar mavjud. 240 nafar tarbiyalanuvchilar to‘laqonli ta'lim olishlari uchun muassasada barcha sharoitlar etarli.

Tashkilotda bolalarning sog‘lom rivojlanish, ruhiy hamda jismoniy jihatdan kamolotga etishi uchun zarur barcha sharoitlar yaratilgan, shu jumladan, badantarbiya, to‘g‘ri ovqatlanish, psixolog va logoped nazorati, xorijiy tillar, musiqa fanlarini o‘qitish orqali ularni maktabga tayyorlash bo‘yicha zaruriy barcha ishlar samarali tarzda yo‘lga qo‘yilgan.

271-sonli davlat maktabgacha ta'lim tashkiloti o‘zining o‘ziga xos pedagogik yondashuvlari, innovatsion ta'lim uslublari va farzandlaringiz uchun yaratgan qulay hamda xavfsiz muhit bilan ajralib turadi. Bu erda bolalar nafaqat bilim oladi, balki ularning jismoniy va ruhiy rivojlanishi uchun barcha sharoitlar yaratilgan.