Iqtisodiy tadqiqotlar va islohotlar markazi va UNICEF O‘zbekistondagi vakolatxonasi bolalar kambag‘alligi darajasini tahlil qildi. 2021-yilda 21,5% bo‘lgan bolalar kambag‘alligi 2023-yilda 13,7% ga kamaydi.
Qishloq joylarda bu ko‘rsatkich 24,6% dan 14,5% gacha, shaharlarda esa 18% dan 13% gacha pasaydi. Sirdaryo va Jizzax viloyatlarida kambag‘allik yuqori, Navoiy viloyati va Toshkent shahrida esa past. Ijtimoiy nafaqalarning umumiy qamrovi 10,8 mln kishini tashkil etadi. Ijtimoiy himoya tizimi resurslarni kam ta’minlanganlarga yo‘naltiradi, lekin tizimdagi kamchiliklar kambag‘allik darajasini oshirishi mumkin.