O‘zbekistonning Novosibirsk shahridagi Bosh konsulxonasi yordami bilan og‘ir hayotiy vaziyatga tushib qolgan ona va uning 17 yoshli farzandi O‘zbekistonga qaytarildi.

Kuzatish marosimi Novosibirsk aeroportida bo‘lib o‘tdi. Konsulxona voyaga yetmagan bolaning O‘zbekistonga qaytishi uchun zarur bo‘lgan hujjatlarni Rossiya tomonidan tezda rasmiylashtirib, tezkor yordam ko‘rsatdi. Natijada, bola onasiga qaytarildi va ular “S7” aviakompaniyasi samolyoti orqali vatanga jo‘nab ketishdi.

Ma’lumotlarga ko‘ra, shu kunlarda Rossiyaning turli hududlarida qarovsiz qolgan 31 nafar bola O‘zbekistonga qaytarilgan. 25-avgust kuni 9 nafar bola, undan oldin esa Sankt-Peterburg, Moskva, Novosibirsk va Qozon shaharlaridan yana 22 nafar bola Ichki ishlar vazirligi vakillari hamrohligida olib kelindi.