Baʼzida maktab yoki bogʻchalar atrofida transport vositalarini belgilangan tezlikka rioya qilmasdan harakatlanayotganiga guvoh boʻlamiz. Aslida belgilangan tezlik qancha boʻlishi kerak?

Qonunchilikka koʻra, transport vositalari tezligini: 

➖ aholi punktlarida transport vositalarining tezligini soatiga 70 kilometrdan;

➖ tegishli yoʻl belgilari oʻrnatilgan maktab va maktabgacha taʼlim tashkilotlariga yetmasdan va oʻtib ketib 300 metrdan kam masofada soatiga 30 kilometrdan;

➖turar joy dahalari va yondosh hududlarda (uy-joy binolari orasidagi yer uchastkasida) esa soatiga 20 kilometrdan;

➖Nukus va Toshkent shaharlarida, viloyatlar va tumanlarning markazlarida, shuningdek shaharlar hududlarida transport vositalarining tezligini soatiga 60 kilometrdan oshirmasdan harakatlanishga ruxsat etiladi. 

Har qanday yoʻllarda yukxonasida odam tashiyotgan yuk avtomobillariga tezlikni soatiga 60 kilometrdan oshirmasdan;

➖ bolalar guruhini tashkiliy tashiyotgan transport vositalariga tezlikni soatiga 60 kilometrdan oshirmasdan harakatlanishga ruxsat etiladi.