Isroil armiyasi ishgʻol ostidagi Gʻarbiy Sohildagi Tulkarm shaharchasida davom etgan reydlar chogʻida bir falastinlik bolakayni otib oʻldirdi.

WAFA sogʻliqni saqlash rasmiylari va mahalliy manbalarga tayanib xabar berishicha, Isroil armiyasi Tulkarm shahriga reydlarini davom ettirmoqda.

Falastinlik bola otasi bilan lager hududida boʻlganida isroillik snayper tomonidan boshiga oʻq uzgan, bolaning otasi esa orqa qismidan yaralangan.

Bolaning jasadi va yarador shahar shifoxonasiga yetkazilgan.

Maʼlumot uchun: 2023-yilning oktyabrida boshlangan urushda hozirgacha 12,300 dan ortiq bolalar halok boʻlgan. BMT maʼlumotlariga koʻra, 2019-2022-yillarda dunyo boʻyicha urushlarda halok boʻlgan bolalar soni 12,193 nafarni tashkil etgan.