Bir guruh professional mutaxassislar 4 yoshdan 8 yoshgacha bo'lgan bolalardan tashkil topgan guruhga shunday savol berishdi: "Sevgi nimani anglatadi?" Ular olgan javoblar esa har kim tasavvur qilganidan ham kengroq, chuqurroq va ma'noliroq edi!

Rebekka — 8 yoshda:
“Buvim artritga uchraganida, u endi egilib, oyoq tirnoqlarini bo'yashga qodir emas edi... Shunday qilib, bobom uni har doim, hatto o'zining qo'llari artrit bilan kasallanganida ham bo'yab qo'yardi. Bu sevgi”.

Billi — 4 yoshda:
"Kimdir sizni sevsa, sizning ismingizni aytishi boshqacha bo'ladi. Faqat sizning ismingiz ularning og'zida xavfsiz ekanini bilasiz".

Karl — 5 yoshda:
"Muhabbat — bu qizning atir sepishi, o'g'il bolaning soqol qo'yishi va ular tashqariga chiqib, bir-birlarini hidlashlaridir".

Krissi — 6 yoshda:
"Sevgi — bu siz ovqatlangani chiqib, kimgadir fri kartoshkangizning ko'p qismini berishingiz va u sizga o'zinikini berishga majbur emasligidir".

Terri — 4 yosh:
"Sevgi — charchaganingizda tabassum qilishingizdir".

Denni — 8 yoshda:
"Sevgi — bu onamning dadamga qahva tayyorlab berishi va uning ta'mi yaxshi ekanligiga ishonch hosil qilish uchun uni dadamga berishdan oldin bir qultum ichib ko'rishi".

Nika — 6 yosh:
"Agar siz yaxshiroq sevishni o'rganmoqchi bo'lsangiz, o'zingiz yomon ko'radigan do'stingizdan boshlashingiz kerak."

Noelle — 7 yoshda:
"Sevgi — bu yigitga ko'ylagini yoqtirishingni aytsang, keyin u har kuni o'sha ko'ylagini kiyishi".

Tommi — 6 yoshda:
"Muhabbat bir-birlarini juda yaxshi taniganlaridan keyin ham do'st bo'lib qolgan kampir va cholga o'xshaydi".

Sindi — 8 yoshda:
“Fortepiano kontserti paytida men sahnada edim va qo'rqib ketdim. Meni kuzatib turgan barcha odamlarga qaradim va dadamning qo'l siltab jilmayib turganini ko'rdim. U buni qilgan yagona odam edi. Men endi qo'rqmasdim."

Kler — 6 yoshda:
"Onam meni hammadan ko'proq yaxshi ko'radi. Kechasi uxlash uchun yotganimda meni o'pgan boshqa hech kimni ko'rmaganman.

Elaine — 5 yoshda:
"Sevgi — bu onamning dadamga eng yaxshi tovuq go'shtini berishidir."

Kris — 7 yoshda:
"Sevgi — bu onam dadamning hidlanib, terlab ketganini ko'rib, uni Robert Redforddan chiroyliroqsiz deb aytishi".

Meri Enn — 4 yoshda:
"Sevgi — bu kuchukchang uni kun bo'yi yolg'iz qoldirganingdan keyin ham yuzingni yalashi".

Karen — 7 yoshda:
"Birovni sevsangiz, kipriklaringiz yuqoriga-pastga tushadi va sizdan kichik yulduzlar chiqadi".

Mark — 6 yosh:
"Sevgi — bu onamning dadamni hojatxonada ko'rishi va u buni qo'pol deb o'ylamasligi..."

Xo'sh, sizningcha sevgi nima?

Asilbek Abdurahimov tarjimasi