1-iyun – Xalqaro bolalarni himoya qilish kuni munosabati bilan oilaviy uylarni tashkil etgan, fidoyi, oʻz ishiga sadoqatli insonlar taqdir taqozosi bilan ota-ona qaramogʻidan mahrum boʻlgan bolalari bilan birga Senatga tashrif buyurishdi.

Uchrashuvda davlat tomonidan bolalarning manfaatlarini taʼminlash borasida olib borilayotgan ishlar, Mehribonlik uylarining oʻrniga bolalarning oilaviy uylarda tarbiyalanishi ahamiyati, bolalarning salohiyatini yuzaga chiqarish borasidagi imkoniyatlar yuzasidan qizgʻin fikr almashildi.

Ahamiyatlisi, bolalarning oʻzlari ham muloqotda faol ishtirok etishdi. 

Senatorlar oʻzlari saylangan okruglarda faoliyati yoʻlga qoʻyilgan oilaviy bolalar uylariga har tomonlama koʻmaklashib turishga kelishib oldilar.

Shu bilan birga, koʻrib chiqilayotgan normativ-huquqiy hujjatlarning bolalar manfaatlariga mos kelishi, bu yoʻnalishda qabul qilingan qonunchilik hujjatlarining amaldagi ijrosi ustidan parlament nazoratining qatʼiy olib borilishi ham belgilab olindi.

Oilaviy bolalar uylarida tarbiyalanayotgan bolalarimiz, ularni bagʼriga olgan fidoyi insonlar bilan oʼtkazgan suhbatimiz buning yorqin isbotini koʼrsatdi". – dedi Oliy Majlis Senati raisi Tanzila Norboyeva.