Joriy yilning 13-may kuni Respublika ixtisoslashgan gematologiya ilmiy-amaliy tibbiyot markazida bemor bolalar Futbol bo‘yicha O‘zbekiston milliy va olimpiya terma jamoasi a'zolari bilan uchrashdi.
Mehrli maktab hamda «Sen kuchlisan» xayriya tashkiloti doirasida tashkil etilgan uchrashuvda bolalar O‘zbekiston Milliy va Olimpiya terma jamoasi a'zosi Abdurauf Bo‘riyev bilan uchrashib, unga savollar berish, birgalikda to‘p o‘ynash imkoniyatiga ega bo‘lishdi. Bo‘riev ularga o‘z fotosuratiga tushirilgan dastxatlarini hadya etdi.