Andijon viloyatida poyezd urib yuborgan 8 yoshli qizaloqning ahvoli o‘ta og‘irligi aytilmoqda. 

Ma'lum qilinishicha, holat 28-aprel kuni soat taxminan 16:30 larda Andijon tumanining «Do‘ngqishloq» mahallasi hududidan o‘tuvchi Xonobod—Andijon yo‘lovchi tashuvchi poyezd yo‘lida sodir bo‘lgan. Poyezd harakatlanayotgan vaqtda nazoratsiz qoldirilgan 2016-yilda tug‘ilgan qizaloqni urib yuborgan.

Qizaloq boshidan jarohat olib, hushsiz holatda zudlik bilan shifoxonaga olib kelingan. Unga jarrohlik amaliyoti ko‘rsatilib, davo muolajalari olib borilmoqda. Hozirda ahvoli o‘ta og‘ir.