Joriy yilning 1 iyunidan boshlab davlat bog‘chalarida bolalar ta'minoti uchun to‘lovlar miqdori oshiriladi. Bu haqda Adliya vazirligi xabar berdi. 

Qayd etilishicha, Vazirlar Mahkamasining 29 apreldagi qarori bilan davlat maktabgacha ta'lim tashkilotlari uchun ota-onalar to‘lovining yangi miqdorlari tasdiqlangan.

To‘lovlar 2024 yil 1 iyundan o‘rtacha 18,7−21 foizga, 2025 yil 1 yanvardan boshlab yana 8,5−10,8 foizga qimmatlaydi.

Ma'lumot uchun, narxlar oxirgi marta 2021 yil 1 mayda oshgandi.