Birlashgan Millatlar Tashkilotining ma'lum qilishicha, so'nggi 6 oy davomida G‘azo sektoridagi notinchliklar oqibatida halok bo‘lgan bolalar soni 2019-2022 yillarda dunyodagi barcha urushlarda nobud bo'lgan bolalar sonidan oshib ketdi.

2019-2022 yillar oralig'ida dunyodagi barcha mojarolar oqibatida 12,193 nafar bola halok bo‘lgan. 2023-yilning oktyabrida boshlangan Falastin–Isroil urushi esa allaqachon 13-14 ming nafar bolani bu dunyodan olib ketdi, deya o'zining X'dagi sahigasida xabar berdi BMT'ning Falastinlik qochqinlarga ko‘maklashish agentligi (UNRWA) bosh komissari Filipp Lazarini.

Falastin Sog‘liqni saqlash vazirligi ma’lumotlariga ko‘ra, Xamas nazoratidagi G‘azo sektorida Isroil hujumlari oqibatida 34 mingdan ortiq falastinlik halok bo‘lgan, ularning uchdan ikki qismi bolalar va ayollardir.