Farzandingiz oʻyinchoqlari va boshqa
buyumlarni faqat chap qoʻli bilan olayotganligini payqadingizmi? Buning uchun
tashvishlanishga hojat yoʻq. Muhimi uning haqiqatan ham chapaqay ekanligini aniqlab
olishdir.
Chapaqaylik bu yomon holat emas va
buning uchun bolani toʻgʻrilash kerak emas. Bu bola miyasining oʻng yarimshari chapiga qaraganda
ustunlik qilayotganligini anglatadi.
Bolaning koʻproq qaysi qoʻlidan
foydalanishini birinchi yillarda aniqlashning imkoni yoʻq, chunki bu paytda bola
miyasining har ikkala yarimshari notekis rivojlangan boʻladi.
Ushbu alomatni bola uch yoshga toʻlganda
aniqlash mumkin boʻladi. Oʻng qoʻldan foydalanadigan yoki chapaqay bolalar nafaqat
turli qoʻli bilan yozishi, balki hissiyotlari bilan ham farqlanadi. Oʻng qoʻlini
ishlatadigan bolalar hissiyotlarga koʻproq beriluvchan boʻladi. Bunday bolalarga
kayfiyatning tez-tez oʻzgarib turishi, soʻzlashuv chogʻida artikulyatsiyadan faol foydalanish,
yuqori tezlikdagi nutq xosdir.
Chapaqay bolani oʻzgartirishga urinish
notoʻgʻri, chunki unga tabiatan berilgan qobiliyatni oʻzgartirish yaxshilikka olib
kelmaydi. Ota-onalar bunga toʻgʻri munosabat bildirishi va bolaga yordam berishi
lozim.
Chapaqay bolalarning ota-onalariga
maslahatlar:
Bolaning hudud yoki joyda moʻljal
olishiga ahamiyat qarating;
Kamroq vazifa yuklang;
Bunday bolalarga uch yoshdan keyin
bolalar bogʻchasiga borish tavsiya etiladi.
Ota-ona yoki oʻqituvchi bolani oʻng qoʻlidan
foydalanishga majburlasa, bola hamma qatori emasligidan uyala boshlaydi va bu
kamchiligini koʻrsatmaslikka urinadi. Natijada bola eʻtiborsiz, asabiy va
parishonxotir boʻlib qoladi.
Bolaning chapaqayligini qanday aniqlash
mumkin?
Bola asosan qaysi qoʻlidan
foydalanishini oʻyin koʻrinishida aniqlash mumkin. Boladan chapak chalishni, mushukchani
silab qoʻyishni yoki butilkani aylantirishni iltimos qiling. Aksariyat hollarda
etakchi qoʻl bosh rolni bajaradi.
Farzandingizni soatning chiqillashini
eshitib koʻrishga undang. Uning qaysi qulogʻini tutishiga qarab, unda miyaning qaysi
yarimshari faolroq ekanligini aniqlab olish mumkin. Oʻng qoʻlini ishlatuvchi bolalar
uchun vazifalarni bajarish osonroq, chapaqaylar uchun qulayliklarni esa ularning
ota-onasi yaratishi lozim. Bola uchun zarur buyumlarni chapaqaylar uchun moʻljallangan
doʻkonlardan xarid qilish mumkin.
Olimlar hozirgi paytda chapaqay
bolalarning koʻproq tugʻilayotganligini aniqladi.
Bu esa matematika va sport sohasida buyuk insonlarning etishib chiqishiga
olib keladi.