Yunusobod tumanidagi 1-son maktabgacha taʻlim tashkilotida «Milliy anʻanalarimiz, qadriyatlarimizni qadrlaymiz», mavzuda tadbir oʻtkazildi.
Tadbirda MTTdagi barcha guruhlar tarbiyalanuvchilari oʻzlari tayyorlagan ashula, kuy va raqslarini tashrif buyurgan mehmonlarga namoyish etishdi.
- Bu tadbirni oʻtkazishdan asosiy maqsadimiz bolajonlarimizga milliy qadriyatlarimiz, anʻanalarimizning mazmun-mohiyatini etkazish, ularda oʻzligimizga boʻlgan mehr-muhabbatni oshirish, tabiatni asrab-avaylash his-tuygʻularini shakllantirishdan iboratdir, - deydi MTT rahbari Nargiza Rixsieva.
Tadbir davomida sahna chiqishlari va ularda gavdalantirilgan qahramonlar orqali oʻsib ulgʻayib kelayotgan yosh avlod qalbida vatanparvarlik, yaqinlarga mehr-oqibatli boʻlish, tabiatni asrash kabi oʻgitlar etkazildi.
Bu kabi amaliy ishlar kelgusida oʻz natijasini koʻrsatishiga ishonamiz.